Home Novaĵo Medalo "Reuzengilde" de la urbo Geraardsbergen

Medalo "Reuzengilde" de la urbo Geraardsbergen

Retpoŝtadreso Presi PDF

Medaille Reuzengilde Geraardsbergen

Je dimanĉo la 17-a de aprilo Geraardsbergen malfermis la turisman sezonon de 2016 per kelkaj belaj iniciatoj.

Reuzengilde [Korporacio pri la gigantoj de la urbo] plenumis gravan rolon. Ĝi interalie renovigis la elekton de la gigantportontoj laŭ popolkultura maniero.

Por tiu okazo Reuzengilde projektis embleman medalon. Kiel modelon por tiu medalo ĝi kun nia permeso uzis bildon prenitan el malnova kermesa afiŝo farita de Jan De Cooman.

Ambaŭ asocioj fieras pri la uzo de tiu desegno. Reuzengilde krome nomis tion "unuavida amo" por nia familio de gigantoj Goliath, Gerarda kaj Kinneke Baba. Por nia arta rondo tio estas klara signo de la ligiteco inter la urbo Geraardsbergen kaj la artisto Jan De Cooman.

Kiel dankon nia asocio krome ricebis ekzempleron de tiu medalo. Ĝi estos zorge konservata en la arĥivo.

Kermesa afiŝo de Jan De CoomanKermisaffiche van Jan De Cooman